Një 17 vjeçar që mbante 1 250 euro në xhep si 200 mijë lekë të vjetra është grabitur me dhunë nga 3 bashkëmoshatarë të tij. Policia tha pre e dhunës dhe e grabitjes ka rënë 17 vjeçari me iniciale R.Z. Ngjarja ka ndodhur në rrugën Ali Kolonja, pas Pallatit të Sportit “Asllan Rusi.
Autorët janë arrestuar nga policia dhe janë Ertis G., 17 vjeç, Kastriot C., 17 vjeç dhe Sergjio Z., 17 vjeç, të tre nga Tirana.
Policia tha se “këta shtetas në bashkëpunim me njëri tjetrin, dyshohen se kanë kryer vjedhjen me dhunë duke e goditur me grushta, si dhe nën kërcënimin e një arme të ftohtë si ajo e thikës dhe më pas i kanë marrë shtetasit R. Z., portofolin ku në brendësi të tij, kishte shumën monetare prej 1250 eurosh dhe 200 mijë lekësh (të vjetra). Nga intervistimi i kryer, të miturit kanë pranuar kryerjen e këtij veprimi dhe po punohet për gjetjen dhe sekuestrimin e shumës monetare”. /Opinion.al
