Një banesë është përfshirë nga flakët e zjarrit këtë të premte në kryeqytet. Sipas policisë, ngjarja ka ndodhur në rrugën “Naim Frashëri” rreth orës 14:31.
Si pasojë e zjarrit, janë asfiksuar dhe shfaqën probleme me frymëmarrjen çifti i bashkëshortëve, me inicialet M.H. dhe L.H.
Ata u dërguan në spital dhe fatmirësisht ndodhen jashtë rrezikut për jetën.
Njoftimi i policisë:
Tiranë/Informacion paraprak
Më datë 01.01.2021, rreth orës 14:31 në rrugën “Naim Frashëri”, ka rënë zjarr në banesën e shtetasit M.H. Si pasojë janë asfiksuar nga tymi duke shfaqur probleme me frymëmarrjen shtetasi M.H dhe bashkëshortja e tij L.H.,të cilët u dërguan në spital për ndihmë mjekësore, jashtë rrezikut për jetën.
Grupi hetimor dhe sherbimet e Policisë ndodhen në vendngjarje dhe vijojnë punën për zbardhjen e rrethanave të ngjarjes./ Opinion.al
