TIRANE- Policia ka bërë të mundur lirimin e 39 vjeçarit Ylber Keri i cili u mor peng rreth mesditës në Kinostudio. Pengmarrësit kanë ka identifikuar pengmarrësit dhe ata dyshohet se janë kushërinj me pengun.
39-vjeçari i Ylber Keri pronar i një lokali në Allias u mor peng teksa shoqërohej nga i biri vetëm 7 vjeç, rreth orës 11:30 pranë shkollës Bajram Curri. Ai kishte debatuar me personat që udhëtonin me një Benz dhe më pas ata kishin arritur ta hipnin me dhunë në makinën e tyre.
“Ishim duke ecur dore për dore në rrugë të dy bashkë. Zbresin tre persona nga makina Benz. Fillojnë të debatojnë me babin dhe pastaj e marrin me force në makinë dhe largohen me shpejtësi”-mësohet të ketë thënë fëmija para efektivëve”.
Rreth dy orë më pas policia lokalizoi vendin ku ndodheshin pengmarrësit, në rrugën “Siri Kodra” ose zona e njohur ndryshe si frigoriferi. Pas negociatave u arrit që pengu të lirohet. Po punohet për zbardhjen e motive dhe vënien para drejtësisë së tre autorëve. Paraprakisht dyshohet se shkak i konfliktit ka qenë një borxh i pashlyer.
