Personi që plagosi me armë zjarri biznesmenin Pëllumb Gjoka mësohet se është një specialist i Shërbimit të Kontrollit të Brendshëm të Burgjeve: Kleant Musabelliu 40 vjeç.
Sipas dëshmive që ka marrë policia, fillimisht, janë konfliktuar djemtë e Musabelliut dhe Gjokës. Më pas, kanë ndërhyrë këta të fundit për të sqaruar situatën, por janë nxehur gjakrat dhe 40-vjeçari ka qëlluar me armë zjarri pronarin e një hoteli në kryeqytet.
Ky i fundit mbeti u plagosur dhe po merr mjekim në spital, ndërsa Kleant Musabelliu është arrestuar.
Hetimet
Policia njofton se: rreth orës 21:00, në zonën e Pazarit të Ri shtetasi Kleant Musabelliu, 43 vjeç, me detyrë specialist i SHKB – së së burgjeve në Drejtorinë e Përgjithshme, ka plagosur me armë zjarri shtetasin Pëllumb Gjoka, 46 vjeç, i cili është plagosur në pjesën e këmbës dhe ndodhet jashtë rrezikut për jetën.
Nga hetimet e deritanishme mësohet se djemtë e shtetasve të shpërmendur janë konfliktuar me njëri-tjetrin dhe shtetasit e mësipërm ishin takuar në zonën e “Pazarit të Ri” për të biseduar në lidhje me konfiktin e ndodhur midis fëmijëve të tyre.
Biseda midis shtetasit Klenat Muasabelliut me shtetasin Pëllumb Gjoka, ka kaluar në konflikt, ku shtetasi Kleant Musabelliu, ka nxjerrë armën e shërbimit dhe ka qëlluar në drejtim të shtetasit Pëllumb Gjoka, 46 vjeç, i cili ka mbetur i plagosur në njërën gjymtyrë (këmbë) dhe ndodhet jashtë rrezikut për jetën.
Autori është arrestuar dhe ndodhet në ambientet e D.V.P. Tiranë për veprime të mëtejshme procedurale.
