Posedonte armë dhe një sasi të konsiderueshme municioni, arrestohet shtetasi A.D. 64 vjeç. Konkretisht, në banesën e tij iu gjetën 7 karikatorë armësh, 4 armë të ftohta, 1 pistoletë me mulli, uniforma dhe mjete si të policisë, si dhe sasi të konsiderueshme municioni.
Sipas policisë, armë dhe sende të tjera mbaheshin në kundërshtim me ligjin në një banesë në rrugën “Pasho Hysa”.
Në vijim të veprimeve procedurale për rastin, ky shtetas u arrestua në flagrancë, për veprat penale “Mbajtja pa leje dhe prodhimi i armëve, armëve shpërthyese dhe i municionit”, “Prodhimi, mbajtja, blerja apo shitja pa leje e armëve të ftohta” dhe “Mbajtja pa të drejtë e uniformës”.
Materialet procedurale iu referuan Prokurorisë së Tiranës, për veprime të mëtejshme.
Njoftimi i policisë
Tiranë/Finalizohet operacioni policor i koduar “Municioni”.
Iu gjetën në banesë: •7 karikatorë armësh, •4 armë të ftohta, •1 pistoletë me mulli, •uniforma dhe mjete si të Policisë, si dhe •sasi të konsiderueshme municioni, arrestohet poseduesi.
Sekuestrohen sendet, të cilat posedoheshin pa leje.
Si rezultat i administrimit të shpejtë të informacioneve të siguruara nga inteligjenca policore, se një banesë në rrugën “Pasho Hysa”, mbaheshin në kundërshtim me ligjin, armë dhe sende të tjera, shërbimet e Komisariatit të Policisë Nr. 1 finalizuan operacionin “Municioni”.
Gjatë ndërhyrjes, në këtë banesë u gjetën 7 karikatorë armësh, 4 armë të ftohta, 1 pistoletë me mulli, uniforma dhe shkop gome si të Policisë, si dhe sasi të konsiderueshme municioni, të cilat posedoheshin pa leje, nga pronari i banesës, shtetasi A. D., 64 vjeç.
Në vijim të veprimeve procedurale për rastin, ky shtetas u arrestua në flagrancë, për veprat penale “Mbajtja pa leje dhe prodhimi i armëve, armëve shpërthyese dhe i municionit”, “Prodhimi, mbajtja, blerja apo shitja pa leje e armëve të ftohta” dhe “Mbajtja pa të drejtë e uniformës”.
Materialet procedurale iu referuan Prokurorisë së Tiranës, për veprime të mëtejshme.
