Një 28-vjeçare i ka dhënë fund jetës duke u vetëhedhur nga kati i 5-të i pallatit ku jetonte. Ngjarja e rëndë ka ndodhur mesditën e sotme në rrugën “Prokop Mima”, në kryeqytet.
Policia bën me dije se 28-vjeçarja është identifikuar si shtetasja me inicialet L.H. “Më datë 29.01.2021, rreth orës 12:20, në rrugën “Prokop Mima” dyshohet se është vetëhedhur nga lartësia e katit të 5-të të pallatit ku banonte shtetasja L. H., 28 vjeçe, ku për pasojë ka ndërruar jetë”, njofton policia.
Grupi hetimor vijon punën për zbardhjen e plotë e rrethanave të ngjarjes, ku paraprakisht dyshohet se vuante nga probleme të shendetit mendor./Opinion.al
