Dy persona të maskuar dhe të armatosur kanë kryer një grabitje në një kazino në Tiranë. Ngjarja ka ndodhur sot rreth orës 20:30 në rrugën “Medar Shtylla”, në afërsi të lulishtes “1 Maji”.
Dy personat e armatosur dhe të maskuar hynë në kazinonë për të vjedhur xhiron ditore, por nuk mundën të merrnin më shumë se 1 milion lekë të vjetra, pasi kazinoja kishte vetëm makineri brenda.
Ata u larguan me shpejtësi, ndërsa policia ka mbërritur në vendngjarje dhe ka nisur hetimet. Momentalisht janë marrë pamjet e kamerave të sigurisë, të cilat do të japin më shumë detaje për grabitësit./Panorama
