(Foto ilustruese)
Momente paniku në Tiranë, teksa një grua është hedhur nga ballkon i banesës mbrëmjen e sotme dhe ka gjetur vdekjen.
Në numrin e Emergjencave 112, rreth orës 21:13, është bërë një telefonatë se në rrugën “Arkitekt Kasemi” pranë zonës së Xhamllikut, është hedhur nga ballkoni një grua.
Në vendngjarje kanë mbërritur shërbimet e policisë dhe ambulanca.
Nga verifikimet e bëra ka rezultuar se nga kati i 3-të i pallatit, është hedhur, R.P., 48 vjeç, e cila ka gjetur vdekjen e menjëhershme.
Nga hetimet paraprake të policisë dhe deklarimeve të familjarëve, është mësuar se shtetasja R.K., vuante nga depresioni.
Vazhdon puna nga ana e grupit hetimor për zbardhjen e rrethanave të ngjarjes.
