Policia e Tiranës ka arrestuar tre persona, të cilët fotografuan votën e tyre. Është bërë arrestimi në flagrancë i këtyre 3 shtetasve, konkretisht H. D., 57 vjeç dhe R. L., 28 dhe R.F, 34 vjeç, për veprën penale “Shkelja e fshehtësisë së votimit”.
Siç bëjnë të ditur uniformat blu, shtetasi R. F e fotografoi votën dhe e publikoi në rrjetet sociale. Materialet procedurale do t’i referohen Prokurorisë, për veprime të mëtejshme në lidhje me rastet.
Njoftimet e policisë
Tiranë/Vihen në pranga 2 shtetas të tjerë, të cilët fotografuan fletët e tyre të votimit.
Në vijim të informacionit paraprak të dhënë më parë, se shërbimet e komisariateve të Policisë Nr. 3 dhe Nr. 4 kishin shoqëruar në ambientet e Policisë, 2 shtetas që sipas njoftimeve të kryetarëve të komisioneve të qendrave ku kishin votuar, kishin fotografuan fletët e tyre të votimit, informojmë se:
Në vijim të veprimeve procedurale në lidhje me këto raste, është bërë arrestimi në flagrancë i këtyre 2 shtetasve, konkretisht H. D., 57 vjeç dhe R. L., 28 vjeç, për veprën penale “Shkelja e fshehtësisë së votimit”.
Materialet procedurale do t’i referohen Prokurorisë, për veprime të mëtejshme në lidhje me rastet.
Tiranë/ Fotografoi fletën e votimit dhe më pas e publikoi atë në rrjete sociale, arrestohet 34-vjeçari.
Specialistët për Hetimin e Krimit të Komisariatit të Policisë Nr. 2, pas shfaqjes së një postimi në një portal ku një shtetas kishte publikuar fotografimin e fletës së votimit, organizuan punën, identifikuan, lokalizuan dhe arrestuan shtetasin R. F., 34 vjeç, banues në Tiranë, për veprën penale “Shkelja e fshehtësisë së votimit”.
Nga kryerja e veprimeve hetimore dhe procedurale ka rezultuar se ky shtetas ditën e sotme, ka fotografuar fletën e votimit, dhe më pas e ka publikuar në rrjetet sociale.
Materialet procedurale do t’i referohen Prokurorisë, për veprime të mëtejshme.
