Rruga Tiranë-Durrës do të vazhdojë ti nënshtrohet rehabilitimit çka do të sjellë edhe një devijim të trafikut në ditët në vazhdim. Sipas një njoftimi të Autoritetit Rrugor Shqiptar dhe Policisë së Qarkullimit Rrugor, faza e katërt e punimeve do të nisë nga dita e nesërme.
Sipas një njoftimi të përbashkët, bëhet me dije se autostrada do të ketë një segment të bllokuar, ndaj për këtë arsye do të bëhen edhe devijimet përkatëse.
Njoftimi
Autoriteti Rrugor Shqiptar dhe Policia e Qarkullimit Rrugor informojnë median dhe opinionin publik se në vijim të ndërhyrjes emergjente për riparimin e shtresave asfaltike në aksin Tiranë-Durrës në kuadër të projektit të mirëmbajtjes me performancë të Bankës Botërore do të fillojë të hënën në orën 06-00 të mëngjesit fazën e katërt të punimeve në segmentin Shkozet – Durrës në drejtimin Tiranë-Durrës.
ARRSH dhe Policia e Qarkullimit Rrugor kërkojnë mirëkuptimin dhe bashkëpunimin e drejtuesve të mjeteve gjatë procesit të ndërhyrjes në këtë aks rrugor dhe respektimin në mënyrë rigoroze sinjalistikën provizore të vendosur dhe udhezimet e policisë rrugore në terren.
