Aktualitet

Tiranë, bllokohen 8 automjete luksi me targa të huaja (VIDEO)



Bëhu pjesë e Grupit Zyrtar të Opinion.al
>> KËTU <<
               Publikuar në : 12:05 - 09/02/22 |
Opi Nion

Policia e Shtetit po vijon kontrollet intensive për bllokimin e automjeteve që qarkullojnë me targa të huaja që u ka përfunduar afati apo që nuk i përkasin të njëjtit mjet.  Në këtë kuadër, përgjatë 48 orëve të fundit, janë bllokuar 39 palë targa të huaja dhe shqiptare.

Janë bllokuar 8 automjete luksi me targa të huaja, të cilat i kanë kaluar strukturave të tjera policore, për verifikime të mëtejshme.

Gjithashtu vijojnë kontrollet e dedikuara për evidentimin, kapjen dhe ndëshkimin e atyre drejtuesve që kryejnë parakalime të gabuara, gara shpejtësie e shpejtësi mbi normat e lejuara, dhe në këtë kuadër, përgjatë 48 orëve të fundit janë vendosur 105  gjoba për parakalime të gabuara, në rrugët urbane e interubane që lidhen me kryeqytetin, janë ndëshkuar 12 drejtues mjetesh për gara shpejtësie, janë pezulluar 46 leje drejtimi për shpejtësi tej normave të lejuara si dhe janë vendosur 234 masa po për shpejtësi tej normave të lejura, por pa sanksionin plotësues, atë të pezullimit të lejes së drejtimit.

Policia Rrugore e Tiranës apelon për të gjithë përdoruesit e rrugës që të zbatojnë në mënyrë rigoroze rregullat e qarkullimit rrugor, dhe fton qytetarët që të denoncojnë në 112 e Komisariatin Dixhital, çdo shkelje të rregullave të qarkullimit rrugor.

Pas