Një 45-vjeçar ka humbur jetën ditën e sotme në Tiranë pasi ka rënë në kontakt me rrymën elektrike.
Mësohet se viktima Sh.H. ka qenë duke punuar në një pallat në ndërtim në momentin që humbi jetën.
Ndërkohë, grupi hetimor dhe shërbimet e Policisë ndodhen në vendngjarje dhe vijon puna për sqarimin e rrethanave të ngjarjes.
“Më datë 19.12.2020, rreth orës 14:30, në rrugën “Kongresi i Manastirit”, dyshohet se duke punuar në një pallat në ndërtim, ka rënë në kontakt me rrymën elektrike shtetasi Sh.H., rreth moshës 45 vjeç, i cili për pasojë ka ndërruar jetë” thuhet në njoftimin e policisë./ Opinion.al
