(Foto ilustruese)
Një automjet ka marrë flakë në ecje, ndërsa drejtohej nga një shofere mbrëmjen e së mërkurës në kryeqytet. Burime nga policia thanë se ngjarja ka ndodhur rreth orës 21:42, në rrugën “Muhamet Deliu”, në Tiranë.
Ka qenë një telefonatë e bërë në numrin e Emergjencave 112 që njoftonte se një makinë ishte përfshirë nga flakët.
Sipas burimeve të policisë mjeti tip “Ford”, me drejtuese B.M në ecje e sipër ka marrë flakë në pjesën e kroskotit, si pasojë është braktisur në rrugë nga shoferja dhe nga flakët janë dëmtuar 3 mjete të tjera, 2 mjete të tipit “Benz” dhe 1 mjet i tipit “Ford“.
Grupi hetimor është në vendngjarje dhe po vazhdon punën për zbardhjen e rrethanave dhe shkaqeve.
