Dhjetë persona të akuzuar për vepra të ndryshme penale janë vënë në pranga nga Policia e Tiranës.
Autoritetet bëjnë me dije se është arrestuar shtetasi me inicialet E. K., 17 vjeç, banues në Kavajë, pasi gjatë kontrollit fizik iu gjet një sasi me kanabis, një pjesë e të cilës ishte e ndarë në doza, gati për shitje.
Po ashtu është arrestuar në flagrancë shtetasi me inicialet Ç. D., 36 vjeç, pasi ka vjedhur disa materiale në banesën e shtetasit E. V.
Ndërsa 24-vjeçari K. A., është vënë në pranga pasi Gjykata e shkallës Parë Tiranë, e ka dënuar me 1 muaj burg, për veprën penale “Vjedhja”. Ndërkohë është arrestuar E. K., 34 vjeç, pasi ka vjedhur një aparat celular të një shtetasi si dhe D. S., 54 vjeç, për veprën penale “Dhuna në familje”.
Sakaq, Specialistët e Qarkullimit Rrugor bënë arrestimin në flagrancë të shtetasve :
G.D., 48 vjeç dhe U.M., 41 vjeç, pasi janë kapur në flagrancë duke drejtuar mjetet përkatëse në gjendje të dehur ; A.H., 25 vjeç, pasi u kap në flagrancë duke drejtuar mjetin pa lejen përkatëse ;
E.Xh., 25 vjeç, pasi duke drejtuar mjetin pa lejen përkatëse ka aksidentuar mjetin me drejtues F.Ç., dhe më pas është larguar nga vendngjarja. Ndërsa P.K., 62 vjeç, është arrestuar pasi duke drejtuar në gjendje të dehur mjetin tip “Benz”, nuk i është bindur urdhrit të punonjësit të policisë së rendit publik, për të bërë testin e alkoolit me aparatin digital drager.
Materialet iu referuan Prokurorisë së Rrethit Gjyqësor Tiranë, për veprime të mëtejshme./Opinion.al
