Një aksident automobilistik ka ndodhur këtë pasdite në periferi të Tiranës në zonën e njohur si Shkalla e Tujanit.
Informacionet paraprake flasin për një viktimë, ndërsa dy persona të tjerë kanë mbetur të plagosur. Si pasojë e aksidentit ka ndërruar jetë në vend, 68-vjeçari me inicialet H.D.
“Mjeti me drejtues N.K., duke qarkulluar me mjet në një zonë e cila është kantier ndertimi, ka humbur kontrollin e mjetit dhe për pasojë janë dëmtuar pasagjerët B.K dhe B.K., të cilët janë nisur me ambulancë për në spital, dhe ndodhen nën kujdesin e mjekëve. Ndërsa pasagjeri tjetër shtetasi H.D., 68 vjeç, ka ndërruar jetë në vëndngjarje si pasojë e plagëve të marra”, thuhet në njoftimin e policisë.
Policia po punon për zbardhjen e rrethanave të aksidentit.
