Një 49-vjeçar është arrestuar nga Policia e Tiranës pasi akuzohet se ka lagur në trup me lëndë djegësve veten dhe bashkëshorten.
Ngjarja ka ndodhur ditën e djeshme, në rrugën “Vangjel Noti”, rreth orës 07:00. 49-vjeçari B. D., mësohet se ka qenë në gjendje të dehur. Pasi lagu bashkëshorten dhe veten me lëndë djegëse ai është larguar me një automjet të cilin e ka përplasur me murin rrethues të një banese.
Gjatë kontrollit fizik policia i ka sekuestruar një thikë.
Njoftimi:
Specialistët për Hetimin e Krimeve të Komisariatit të Policisë Nr. 3 arrestuan shtetasin B. D., 49 vjeç, banues në Tiranë, pasi ditën e djeshme, në rrugën “Vangjel Noti”, rreth orës 07:00, duke qenë në gjendje të dehur, ka lagur në trup, me lëndë djegëse, veten dhe bashkëshorten e tij. Më pas është larguar me një automjet të cilin e ka përplasur me murin rrethues të një banese. Gjatë kontrollit fizik, shërbimet e Policisë i gjetën dhe sekuestruan, 49-vjeçarit, një mjet prerës (thikë).
