Një 20-vjeçar ka qëlluar me një pistoletë imituese të zhurmës së armëve në oborrin e shkollës, në Farkë në Tiranë. Bëhet fjalë për të riun me inicialet F. Sh., 20 vjeç.
Policia bën me dije se ngjarja ka ndodhur një ditë më parë, ndërsa mësohet se ndaj të riut ka nisur procedimi penal.
“Specialistët për Hetimin e Krimeve të Komisariatit të Policisë Nr. 1 referuan materialet në Prokurori dhe nisi procedimi penal për shtetasin F. Sh., 20 vjeç, sepse më datë 04.05.2023, në oborrin e një shkolle, në Farkë, Tiranë, ka qëlluar në ajër, me një pistoletë imituese të zhurmës së armëve. Pistoleta imituese u sekuestrua në cilësinë e provës material”, njofton policia.
