Policia rrugore ka arrestuar 16 shoferë, të cilët u kapën duke drejtuar makinën pa leje drejtimi dhe në gjendje të dehur.
Ndërsa 3383 shoferë janë gjobitur për shkelje të rregullave të qarkullimit.
Konkretisht janë ndëshkuar me masë administrative 863 drejtues mjetesh, për përdorim të celularit gjatë drejtimit të mjeteve. 388 drejtues mjetesh janë ndëshkuar për mosdhënie përparësie këmbësorëve, në vija të bardha. 1891 drejtues mjetesh janë ndëshkuar për mosvendosje të rripit të sigurimit si dhe janë vendosur 241 masa administrative, për mosvendosje të kaskës mbrojtëse, nga drejtuesit e motomjeteve.
