Një gol në minutën e 91 i ka dhënë fitoren Tiranës përballë Skënderbeut, duke e larguar nga zona e rënies nga Superiorja. Ishte mesfushori shkodran Edon Hasani që i dhuroi fitoren skuadrës kryeqytetase.
Ndeshja nuk kishte ritmin e duhur dhe pjesa e parë ishte mjaft e mërzitshme me të dy skuadrat që nuk dhuruan shumë në fushën e lojës. Në pjesën e dytë ndryshoi gjithçka me bardheblutë që ishin më këmbëngulës, por u mbrojtën mjaft mirë korçarët.
Tashmë Tirana është në kuotën e 40 pikëve, po aq sa Luftëtari. Të dyja skuadrat kanë lënë pas Kastriotin me 35 pikë në vendin e parafundit. Vendimtare do të jetë sfida direkte mes Tiranës dhe Kastriotit më 18 maj në kryeqytet./Opinion.al
