Në njohje të Ditës Botërore të Biçikletës, Bloomberg Philanthropies shpalli sot fituesit e parë të Iniciativës së Bloomberg për Infrastrukturën e Çiklizmit (BICI), me dhjetë qytete globale që marrin mbështetje për të ndërtuar infrastrukturë inovative çiklizmi dhe opsione të qëndrueshme lëvizshmërie.
Mes shumë aplikantësh nga e gjithë bota, Tirana është përzgjedhur si një ndër 10 qytetet përfituese të grantit të Bloomberg Philanthropies për Bloomberg Initiative for Cycling Infrastructure (BICI)!
Investimet në përmirësimin e infrastrukturës, veçanërisht në rritjen e sigurisë për këmbësorët dhe çiklistët, ka bërë që Tirana të tërheqë vëmendjen ndërkombëtare.
Krahas Tiranës, ku do të mbështetet ndërtimi i një rrjeti çiklizmi për të gjitha moshat, nëpërmjet zbatimit të projektimit të kryqëzimeve të sigurta, përfitues janë edhe Milano në Itali dhe Lisbona në Portugali.
Megjithatë, një pengesë e rëndësishme për çiklizmit në shumë qytete është mungesa e infrastrukturës së sigurt të çiklizmit. BICI është krijuar për të ndihmuar drejtuesit e qytetit të plotësojnë nevojën urgjente për të ndërtuar një infrastrukturë më të lidhur dhe më të gjerë çiklizmi që u shërben sa më shumë banorëve të jetë e mundur.
Qëllimi i kësaj nisme është të ndihmojë qytetet të dizajnojnë rrugë që rrisin përdorimin e biçikletave, rigjallëron lagjet dhe promovojnë shëndetin dhe mirëqenien e komuniteteve të tyre. Përveç financimit, Tirana do të marrë dhe asistencë teknike për projektimin dhe zhvillimin e projekteve. E nisur në vitin 2014, misioni i Iniciativës Globale të Projektimit të Qyteteve është të transformojë rrugët në mbarë botën.
10 qytetet fituese të BICI të emërtuara sot vijnë nga 10 vende në pesë kontinente dhe përfaqësojnë së bashku më shumë se 15 milionë banorë.
Projektet fituese përfshijnë: Fortaleza, Brazil—fitues i një çmimi prej 1 milion dollarësh—dhe Addis Ababa, Etiopi; Bogota, Kolumbi; Lisbonë, Portugali; Milano, Itali; Mombasa, Kenia; Pimpri-Chinchwad, Indi; Quelimane, Mozambik; Tiranë, Shqipëri; dhe Wellington, Zelanda e Re, secila prej të cilave do të marrë 400,000 dollarë financim./Opinion.al
