Emocionet e Euro 2024 janë më afër se kurrë më parë. Teksa pritet që të nisë edhe pak minuta ndeshja Gjermani-Skoci, duket se tifozët kuqezi e kanë zemrën tek ajo e nesërmja, Shqipëri-Itali. Në një lidhje direkte për emisionin “Eurozone” në Tv Klan, gazetarja Viola Lito ka treguar atmosferën në Dortumund. Gjatë fjalës së saj, Lito ka thënë se zona është e tejmbushur nga tifozë shqiptarë dhe ngjyrat kuq e zi dominojnë teksa ka shtuar se ka pasur edhe tifozë anglezë me plis në Dortmund.
Gert Lasku: E kemi pushtuar Dortmundin Viola apo jo?
Viola Lito: Jo vetëm e kemi pushtuar, por deri pak më parë, sheshi në Dortmund ishte plot e përplot me tifozë shqiptarë, të cilët po këndonin dhe kërcenin njëzëri këngët shqiptare dhe janë rehatuar nëpër lokalet e sheshit, është plot e përplot. Më shumë në sy më bie atmosfera që po përcjellin tifozët shqiptarë. Ka pasur edhe tifozë anglezë me plis në Dortumund. Qendra e Dortumund është e tejmbushur nga tifozët shqiptarë. Janë menduar 2 zona për publikun që nuk mund ta shohë në stadium pasi nuk ka gjetur biletë edhe sot, edhe pse është ndeshja e Gjermanisë, sërish tifozët shqiptarë po presin me emocion ndeshjen e nesërme mes Italisë dhe Shqipërisë dhe janë plot shpresë dhe optimistë se do të kemi një rezultat të mirë ndaj Italisë.
Gent Lasku: Po tifozët italianë a janë dukur nga sheshi?
Viola Lito: Të them të drejtën, nga ecjet që kam bërë nuk kam parë tifozë italianë, përveçse shqiptarë. Priten shumë tifozë shqiptarë në stadium, ka qenë mbi 50 mijë numri i tifozëve në stadium, do ta shohim nesër si do të jetë situata. Sot Dortumundi është pushtuar nga ngjyrat kuq e zi.
Gjatë raportimit live për Tv Klan, tifozë të shumtë shqiptarë i janë bashkuar videos direkte duke treguar emocionet dhe pritshmëritë që ata kanë për ndeshjen e nesërme përballë Italisë.
Pyetje: Pritshmëritë për ndeshjen e nesërme?
Grupi i parë i tifozëve: Shqipëria fiton 3 me 1. Lojtari i preferuar, Ylber Ramadani. I duam të gjithë, të gjithë.
Pyetje: Pritshmëritë për ndeshjen?
Grupi i dytë i tifozëve: 2 me 0 e vdekur. Edhe mos të mërziten italianët sepse i kemi miq.
