Aeroporti Ndërkombëtar i Rinasit që menaxhohet nga një shoqëri koncensionare ka reaguar sot lidhur me ngjarjen e rëndë, të grabitjes së 1 milionë eurove në pistën e avionëve. TIA, u shpreh me shqetësim jo vetëm për ngjarjen por edhe për reagimin e institucioneve përgjegjëse për sigurinë në Rinas. “Duhet ta zbardhë prokuroria këtë çështje”, tha Arlinda Çausholli, drejtore komunikimi në TIA. “Por nëse qëllimi është fajësimi, atëherë ngjarja bëhet më e rëndë se vetë grabitja”, tha ajo, referuar deklaratave të Policisë.
Kujtojmë se Policia e Shtetit në dy deklarata radhazi në media, tha pjesa e jashtme e aeroportit menaxhohet nga shoqëria private ITCS. Ndërsa, aeroporti e hodhi poshtë këtë pretendim duke thënë se e vetmja forcë sigurie me armë në brez në aeroportin e Rinasit është Policia e Shtetit. Sipas saj, të gjithë të tjerët janë civile dhe pa përgjegjësi për ndalimin e kriminelëve.
Pjesë nga deklarata e TIA-s
“Njoftimi u bë kur makina ishte ende në vendngjarje. Ky njoftim iu bë sallës operative dhe punonjësi të Policisë kanë qenë prezent në pistë në momentin kur ndodhi grabitja.”
ICTS, një kompani ndërkombëtare dhe e certifikuar nga Autoriteti Aeroportual. Dëshiroj të sjell në vëmendje se ICTS është përgjegjëse vetëm për përgjësinë aeroportuale, ç’ka nuk e zvogëlon përgjegjësinë. Ajo është çertifikuar nga Autoriteti, por nuk ka të drejtë të ndërhyjë fizikisht. E vetmja forcë e armatosur është Policia e Shtetit.”
TIA është në gatishmëri të ndihmojë me prova materiale, por kujtojmë që siguria kombëtare është përgjegjësi e përbashkët.
Aeroportit është i të gjithëve. Jemi të detyruar të flasim tani duke përligjur respektin për hetimet, por duket parë që po cënohet një kompani në shërbim të shqiptarëve, biznesit dhe shtetit shqiptar.
