Aktualitet

“Ti nuk je fajtore”, qytetarët protestojnë kundër abuzimit ndaj të miturve


Bëhu pjesë e Grupit Zyrtar të Opinion.al
>> KËTU <<
               Publikuar në : 17:01 - 04/06/20 |
el ida

Ashtu sic ishte paralajmëruar në rrjete sociale, në sheshin “Nënë Tereza” po zhvillohet protesta paqësore “Për Fëmijërinë e Vjedhur”.

Të rinj dhe të reja, qytetarë të thjeshtë e personazhe publikë kanë dalë kundër abuzimit ndaj të miturve, dhe kanë marshuar më pas në drejtime të ndryshme të kryqytetit.

Me pankarta në duar, të pranishmit treguan se dënimet për pëdofilët duhet të jenë më të rënda, teksa theksuan nevojën për të qenë një shoqëri më e ndjeshme dhe jo indiferente ndaj këtyre fenomeneve.

“Jam këtu për ty”, “Ti nuk je fajtore”, “Heshtja është mohim”, “Jo është jo”, “Ajo nuk është veshur si e ‘përdalë’, ti thjesht po mendon si përdhunues”, “Koha nuk pret, koha është tani! Nuk ka falje për përdhunuesit”, “Burrat e vërtetë janë feministë”, “Dënim me vdekje”, “Mësojini djemtë të mos përdhunojnë, jo vajzat të kenë kujdes!” ishin disa nga shkrimet nëpër pankarta.

Kjo protestë erdhi pasi përdhunimi i një 15-vjecareje nga roja i shkollës ku mësonte, por dhe nga të rinj të tjerë, u bë publik.

E mitura ishte shantazhuar nga 65-vjecari Abaz Dogu për të kryer marrëdhënie seksuale. Më pas i moshuari kishte filmuar aktin dhe kishte vijuar shantazhin përmes videos. Në këto rrethana, vajza ishte detyruar të kryente marrëdhënie dhe me persona të tjerë./Opinion.al

Pas