Ish-kryeministri Sali Berisha i është përgjigjur zv.kryeministres Belinda Ballukut në Kuvend.
Berisha e paralajmëroi Ballukun duke i thënë se edhe ajo do të ketë fatin e ish-zv.kryeministrit Arben Ahmetaj.
Ndër të tjera, ish-kryeministri iu drejtuar Ballukut duke thënë se ajo ndërton rrugë me 24 milionë euro kilometrin.
“E patë reagimin e sa? E di pse reagoi kjo për Frida Gugalen, sepse vetë është stërgugale. Raporti e nxjerr atë në krye të politikës së hajnisë. Kjo është ministrja që ndan ndërtimet në 2-3 kilometra për të vjedhur. Kjo është ministrja që ndërton rrugë me 24 milionë euro kilometrin. Ti dhe Edi Rama jeni të pambrojtur. Të siguroj që do të kesh fatin e Ahmetajt. Ai thotë se ka gjetur 18 miliardë abuzime me qeratë, kjo del bën avokaten e saj. Të djeg ty sepse ke edhe vetë abuzime me qeratë”, tha Berisha nga foltorja e Kuvendit./Opinion.al
