Kreu i qeverisë, Edi Rama ka reaguar ashpër për thyerjen e stolave në stadiumin ”Air Albania Stadium” gjatë ndeshjes Tirana- Kukësi.
Nëpërmjet një statusi në Facebook, kryeministri uron që përgjegjësit, të cilët i etiketon si katërkëmbësha të mbyllen pas hekurave dhe të ndalohen përgjithnjë të hynë në stadiume.
Sipas raportit të dëmeve të kryera nga FSHF, janë thyer 164 ulëse, 145 në sektorin e tifozerisë së Tiranës dhe 19 në sektorin e tifozerisë së Kukësit.
Postimi i Ramës:
Uroj që një orë e më parë, këta lloj katërkëmbëshash të mbyllen pas hekurave që zgjaten deri në tavan dhe të ndalohen përgjithnjë të hynë në stadiumet tona, bash ashtu siç e parashikojnë NENET E REJA të Kodit Penal të Republikës së Shqipërisë KUNDËR DHUNËS NË SPORT.
