Lidhja e yllit televiziv Khloe Kardashian dhe partnerit të saj basketbollistit Tristan Thompson vijon të jetë në qendër të vëmendjes mediatike.
Këtë herë në fokus ka qenë tradhtia e radhës e Thompson. Sipas Us Weekly basketbollisti mësohet ta ketë tradhtuar Kardashian pikërisht me një mikeshë të ngushtë të kësaj familje.
Bëhet fjalë për modelen Jordyn Woods, e cila është mikesha më e ngushtë e Kylie Jenner si dhe e afërt me motrat më të famshme të momentit. Kjo tradhti ka çuar në ndarjen përfundimtare të çiftit.
Thompson dhe Woods janë parë së bashku në një festë më 17 shkurt, ku sipas të pranishmëve gjatë gjithë kohës janë përqafuar dhe kanë qëndruar pranë njëri-tjetrit.
Kjo nuk është hera e parë që Thompson tradhton partneren e tij. Vetëm pak ditë përpara se ajo të sillte në jetë vajzën e tyre, True, u publikua në rrjete sociale një video ku shfaqej në momente intime me dy modele.
Pas asaj video dhe lindjes së vajzës gjërat u stabilizuan për çiftin, por kjo tradhti e radhës duket se e ka mbyllur historinë mes tyre./Xh.K/Opinion.al/
