Zëdhënësja e KQZ-së, Drilona Hoxha nëpërmjet një deklarate për mediat ka bërë publike thirrjen e këtij institucioni për ekspertët kontabël.
KQZ thekson se kërkohet ndihma e ekspertëve kontabël për të monitoruar financimet e partive politike gjatë fushatës zgjedhore.
Ndërsa, bëhet me dije, se pas shfaqjes së interesit nga ekspertët kontabël do të përcaktohen dhe ekspertët për të bërë monitorimin e financimeve të partive.
“Janë të lutur ekspertët kontabël që të regjistrohen pranë KQZ”, thuhet në deklaratë.
Deklarata:
“Bazuar në rëndësinë e financimeve të partive gjatë fushatës politike u bëjmë thirrje ekspertëve kontabël të ofrohen për monitorimin e financimeve të partive politike. Ekspertët e regjistruar përveç kushteve që disponojnë duhet të plotësojnë edhe kushtet e kërkuara nga KQZ. Pas shfaqjes së inetresit nga ekspertët kontabël do të përcaktohen dhe ekspertët për të bërë monitorimin e financimeve të partive. Janë të lutur ekspertët kontabël që të rregjistrohen pranë KQZ.”
