Bota

Theu masat anti-COVID, presidenti gjobitet me 3500 dollarë


Bëhu pjesë e Grupit Zyrtar të Opinion.al
>> KËTU <<
               Publikuar në : 20:55 - 20/12/20 |
Semiljana Azizi

Sebastian Pinera, theu masat e vendosura kundër përhapjes së pandemisë COVID-19 dhe kjo i ka kushtuar  shtrenjtë.

Raportohet se kreu  shtetit të Kilit, bëri një foto selfie pa vendosur maskën e prej kësaj është gjobitur me një shifër rreth 3500 dollarë

Pinera kërkoi falje pasi fotoja që bëri me një grua u bë virale gjatë këtij muaji. Ai pranoi gjithashtu se duhet të kishte vënë maskë kur gruaja i kërkoi që të bënte një foto në plazh, për të shmangur kështu përhapjen e virusit COVID-19.

Kili ka rregulla strikte për mbajtjen e maskës. Sipas udhëzimeve të atjeshme mosmbajtja e maskës dënohet me gjobë madje mund të shkojë deri në burgim.

Kujtojmë se ky është një prej vendeve më të prekur sa i përket numrit të viktimave në Amerikën Latine. Atje ka 581 mijë raste infeksionesh dhe mbi 16 mijë viktima që prej fillimit të pandemisë./Opinion.al

Pas