Policia ka mundur të arrestojë dy persona si edhe të shpallë në kërkim një të tretë, pasi ditën e sotme tentuan të vrasin një 20-vjeçar duke e goditur disa herë me thikë në trup.
Policia bën me dije se ngjarja ka ndodhur në lagjen Nr.15 për motive të dobëta.
Njoftimi i policisë
Specialistët e Seksionit kundër Krimeve të Rënda në Drejtorinë Vendore të Policisë Durrës arrestuan në flagrancë shtetasit:
- Nikoll Përlleshi 31 vjeç, banues në Durrës;
- Bibë Deda 48 vjeç, banues në Durrës.
Gjithashtu është shpallur në kërkim dhe po punohet për kapjen e shtetasit J.B. 17 vjeç, banues në Durrës.
Shtetasit e mësipërm, më datë 25.08.2018, në lagjen Nr.15, për motive të dobëta kanë tentuar të vrasin duke e goditur disa herë me thikë në trup shtetasin D.D. 20 vjeç, banues në Durrës, i cili ndodhet në Spitalin Rajonal Durrës nën kujdesin e mjekëve.
Në cilësinë e provës materiale është sekuestruar thika.
