Zyrtarisht janë 31 viktimat e konfirmuara nga tërmeti i fuqishëm që goditi dje Shqipërinë. Ministria e Mbrojtjes konfirmoi se viktima e fundit është gjetur e pajetë në zonën e ish-Kënetës. Bëhet fjalë për një pjesëtare të familjes Lala, Griselda Lala 22 vjeç.
Ndërkohë vijojnë të jenë në rrënoja dhe 5 anëtarë të kësaj familje më konkretisht Marjeta, Dionis dhe Dionisa 2 vjeç (binjakë), Emilio 6 vjeç dhe Ilir (i paralizuar).
Ditën e djeshme u nxorën të pajetë Sadete Lala 79 vjeç dhe Amelia 8 vjeç.
Shqipëria u godit të martën, nga një tërmet i fuqishëm, me magnitudë 6.4, që tronditi thuajse të gjithë vendin.
Dëme të shumta janë regjistruar në ndërtesa, shtëpi dhe godina shërbimesh kryesisht në zonën e Durrësit, Thumanës dhe Tiranës, ndërkohë që vijon ende operacioni i kërkim-shpëtimit./ Opinion.al
