Kriza mes çiftit Bradley Cooper dhe Irina Shayk është më e fortë nga çfarë dukej. Mësohet se Shyak është larguar nga shtëpia ku ata jetonin së bashku me vajzën e tyre dy-vjeçare Lea De Seine.
Modelja 33 vjeçare, ka lënë shtëpinë e tyre 4.5 milionë dollarëshe në Pacific Palisades, pasi çifti po përpiqet që t’ i bëjë gjërat të funksionojnë, duke parë nëse janë më mirë të ndarë apo bashkë.
Nuk dihet shkak i kësaj krize mes tyre, ndërkohë sipas mediave të huaja, në këtë histori nuk hyn këngëtarja Lady Gaga, për të cilën u aludua për flirt me Cooper gjatë realizimit të filmit “A star is born”.
Ndërkohë aktori u fotografua nga paparacët në gjendje jo shumë të mirë pas largimit të Shayk nga shtëpia e tyre.
Burime pranë çiftit janë shprehur se marrëdhënia mes tyre është ftohur shumë dhe bashkë i mban vetëm e vogla.
Nuk dihet nëse do e kalojnë këtë krizë apo do të jetë fundi i marrëdhënies së tyre që ka nisur në vitin 2015./Opinion.al/
