Gazeta britanike “The Sun”, ka zbuluar një bandë kriminale e cila përfiton 140 mijë paund për trafikun e emigrantëve.
Në një artikull të publikuar në këtë gazetë, thuhet se banda përdor anije që nisen nga qyteti bregdetar Dymchurch, Kent në Gjermani për në Calais të Britanisë.
Sipas “The Sun” e njëjta bandë besohet se po transportonte 18 emigrantët të cilët rrezikuan të mbyteshin, pasi varka me të cilën po udhëtonin u fundos.
Gazeta ka publikuar edhe disa video ku mendohet se janë filmuar pjesëtarët e grupit që kryen trafikun e emigrantëve.
Në video dallohen dy makina dhe një furgon tip Ford që ndalojnë dhe qëndrojnë për rreth 13 minuta dhe më pas kryejnë transportin e emigrantëve pas udhëtimit nëpërmjet detit gjatë natës.
Pamjet, sipas gazetës, janë filmuar në muajin maj.
Ndërsa video tjetër tregon një skaf të bardhë me rimorkio duke transportuar emigrantë.
Një shqiptar i tha policisë se kishte paguar 8 mijë paund për transportin nëpërmjet barkës. Kjo do të thotë se banda do të përfitojë 140 mijë paund për çdo udhëtim.
Zyrtarët vendorë në Dymchurch thanë se javët e fundit janë rritur shumë anijet e dyshimta në zonën detare.
