Dwayne “The Rock” Johnson thotë se ai dhe familja e tij ishin të infektuar me Covid-19.
Ish mundësi, i cili tani është aktori më i paguar në botë, tha se ai, gruaja dhe dy vajzat e tij e morën virusin pavarësisht se ishin “të disiplinuar” në mbrojtjen e shëndetit.
Ai tha se testet pozitive ishin “një goditje poshtë brezit”.
“Ne tani e kemi kaluar dhe nuk mund të infektojmë të tjerët. Faleminderit Zotit, jemi të shëndetshëm”, shtoi ai.
Johnson, gruaja e tij Lauren, dhe vajzat e tyre Jasmine dhe Tiana, të moshës katër dhe dy vjeç, u infektuan rreth dy javë e gjysmë më parë.
Ata e morën virusin nga “miqtë e ngushtë të familjes” të cilët, nga ana tjetër, nuk e kishin idenë se si ishin infektuar.
“Mund t’ju them se kjo ka qenë një nga gjërat më sfiduese dhe të vështira që na është dashur të kalojmë si familje,” tha Johnson në një video të postuar në llogarinë e tij në Instagram.
“Testimi pozitiv për Covid-19 është shumë më ndryshe sesa tejkalimi i lëndimeve të këqija, përjashtimi apo edhe të qenit trokë, gjë që unë kam qenë më shumë se disa herë,” shtoi ai.
“Prioriteti im numër një është të mbroj gjithmonë familjen time.”
“Më çudit fakti që disa njerëz, duke përfshirë edhe politikanë, e marrin këtë idenë e mbajtjes së maskave dhe e bëjnë atë pjesë të një axhende politike.
“Nuk ka asnjë lidhje me politikën. Vish maskën. Është fakt. Dhe është gjëja e duhur për të bërë.”/ Opinion.al
