Bukuritë natyrore të Shqipërisë vijojnë te jënë në vëmendje të mediave të huaja. Pas reportazhit të publikuar nga BBC për Alpet Shqiptare dhe lajmit në gazetën belge “Le Soir” për plazhin e Ksamilit, së fundmi gazeta prestigjoze amerikane “The New York Times”, sugjeron Vjosën ndër 52 vendet për t’u vizituar në vitin 2023.
“Mbrojtja e Vjosës, një nga lumenjtë e fundit të egër të Evropës, nuk ka qenë e lehtë. Pas një dekade projektesh të propozuara që kërcënonin të ndryshonin rrjedhën ujore, ekosistemet e saj të panumërta dhe luginat e saj, qeveria shqiptare nënshkroi një angazhim qershorin e kaluar për të krijuar Parkun Kombëtar të Lumit të Egër Vjosa”,-thuhet në artikull.
Kryeministri Edi Rama ka publikuar lajmin duke shkruar në një status në rrjetet sociale se viti 2023 do të jetë viti i Vjosës.
