Alkooli kontrabandë dhe i trafikuar në Greqi nga grupet kriminale shqiptare, është shkaktar i disa rasteve të verbimeve të të rinjve britanikë.
Kështu shkruan sot “The Mirror” duke cituar një burim hetimor në Greqi për rastin e 20vjeçares Hana Pauell, e cila u verbua pasi konsumoi alkool në një ishull të Greqisë. Media britanike thotë se sipas një hetimi, alkooli që tregtohet në ishujt grekë është më së shumti kontrabandë dhe i distiluar në kushte të rrezikshme, duke përbërë kërcënim për pushuesit. Më së shtumit, ky alkool distilohet në Bullgari dhe trafikohet nga grupet kriminale shqiptare në Greqi. Një numër i madh turistësh britanikë janë shtruar në spitalin e ishullit Zante në Greqi për shkak të helmimeve dhe problemeve me alkoolin dhe nën akuzë janë shqiptarët.
“Të hapësh një bar në këtë vend është gati e pamundur. Gangsterët shqiptarë kanë marrë vende me qira dhe ofrojnë alkool shumë herë më të lirë se ne”, ka thënë një barist në këtë ishull për mediat britanike. “Një kotkail që kushton 6 euro, ata e shesin vetëm 2 euro”, shton ai më tej. “Alkoolin e sjellin nga Bullgaria kontrabandë dhe shmangin taksat dhe kostot e prodhimit”, thotë baristi më tej.
