“Infrastruktura themelore, korrupsioni endemik, megjithatë njeri më i fuqishëm i vendit gjen ende kohë për të vizatuar në ditarin e tij ministror- dhe tani ekspozitë në një nga galeritë kryesore të botës.”- kështu ka zgjedhur të nisë artikullin e saj dedikuar anës artistike të Kryeministrit Rama, prestigjiozja britanike “The Guardian”.
“Asnjë lider nuk ka një zyrë ai ajo e Edi Ramës, kryeministrit të Shqipërisë. Në muret e zyrës janë me qindra vizatime, ngjyra, abstraksionet, dhe e gjithë kjo është një dizajn i tij.” – vazhdon shkrimi.
Në rreshtat e mëposhtëm tregohet sesi Rama i ka thënë gazetari se shpesh politika me papërgjegjshmërinë e saj, mund të bëjë art edhe më të mirë.
Për The Guardian Rama nuk është një rastësi, ai nuk një politikan me prirje artistike, por një artist i vërtetë në pushtet.
“Një ish-profesor i artit, nuk kishte ndërmend të hynte në jetën publike dhe kur ai e bëri, ai nuk e ka braktisur plotësisht karrierën e tij fillestare. Mes debateve për anëtarësimin në Bashkimin Evropian dhe grindjeve të rastit me fqinjët e Ballkanit, Rama po përgatitet për ekspozitën e tij të parë në SHBA, në galerinë Marian Goodman në Neë York.
Kjo me siguri është hera e parë që një kryetar në pushtet ka një shfaqje të tillë, madje edhe George Ë Bush filloi pikturën vetëm pasi mbaroi mandatin e tij presidencial.”
Rama është pyetur edhe për vitet e tij si Kryetar i Bashkisë së Tiranës, kohë në të cilën ai ka ndërmarr vendimin e ngjyrosjes së fasadës së pallateve.
“Kur u bëra kryetar i Bashkisë Tiranë, në qytet kishte vetëm 78 drita rrugësh funksionale. Kështu që imagjino si ishte të shkojë tek njerëzit dhe ti pyesje çfarë ngjyre e do pallatin! Ata do të thoshin fuck you!”- është shprehur ai. Megjithatë për Ramën ngjyrosja e pallateve kishte efekte shumë të mira në ekonomi pasi në rrugët ku ishin lyer pallatet arrinin të mblidhnin 100% taksat ndërkohë që normalisht mbledhja e taksave arrinte deri në 4%.
The Guardia ka shkruar edhe për faktin se Rama shumicën e vizatimeve të tij e bën gjatë kohës kur është në mbledhje të rëndësishm, dhe për këtë arsye është kritikuar.
“Nuk kishte mënyrë tjetër për ti shpëtuar mbledhjeve të gjata. Vizatimi më ndihmon të dëgjoj.”- përfundon kryeministri.
/përshtatur nga opinion.al
