Revista britanike “The Economist” i ka kushtuar shkrim kryebashkiakut Erion Veliaj për transformimin e Tiranës. Duke folur për inaugurimin e Pazarit të Ri, revista e njohur thekson se Tirana nga një qytet dikur i përgjumur, tashmë është duke u shndërruar në një qytet të hijshëm europian. “Modernizimi i një kryeqyteti të vogël ballkanik, dikur i përgjumur, i ngjashëm me një fshat tani ka futur marshin më të lartë”, shkruan “The Economist”.
espresso.economist.com/5735c3a7aa6ffcfe6ab123835584db75
Më tej shkruan: “Socialistët në pushtet shpresojnë se projektet do të ndihmojë për të bindur votuesit që tu japin atyre një mandat të dytë qeverisës. Opozita ka bojkotuar parlamentin, duke zvarritur në këtë mënyrë reformat vendimtare në drejtësi. Në Shqipëri ka një përplasje mes të resë dhe të vjetrës: Tirana është duke u shndërruar në një qytet të hijshëm europian, por politika e vendit ka mbetur si gjithmonë po aq e pisët dhe tradicionale si përherë”.
Shkrimi është bërë nga Tim Judah i cili edhe herë të tjera ka shkruar pozitivisht për politikanët e majtë në Shqipëri. Ai, pak muaj më parë ishte në vendin tonë ku bëri një reportazh me Tahirin në parcelat e hashashit.
