Kryeministri Edi Rama ka reaguar në lidhje me akuzat e ngritura ndaj drejtuesve të UÇK-së, të cilët aktualisht ndodhen në Hagë.
Rama i drejtohet ish-kryeministrit Sali Berisha pse votoi në Këshillin e Europës pro raportit të Dick Marty, mbi të cilin janë ngritur akuzat ndaj ish-presidentit Hashim Thaç dhe anëtarëve të tjerë të UÇK-së.
Po ashtu, ai i drejtohet dhe Presidentit Ilir Meta duke i thënë pse lejoi Haxhinaston të votonte pro këtij raporti. Kryeministri e mbyll reagimin e tij duke iu drejtura Bashës: “Lulëzim ke gjë për të thënë apo s’ta lejon sekreti hetimor”.
“Sali pse e votove pro Raportin e Dick Marty në Këshillin e Europes,kur ne e votuam kundër apo doje të mbroje Kosovën nga Hashimi? Po ti Ilir pse e votove pro Raportin e Dick Marty apo s’të pyeti Haxhinasto? Lulëzim ke gjë për të thënë apo s’ta lejon sekreti hetimor?#KrenarpërPS”-shkruan Rama./Opinion.al
