Ditën e sotme ish-presidenti i Kosovës, Hashim Thaçi u paraqit në seancën e parë të procesit ndaj tij dhe udhëheqësve të tjerë politik të UÇK-së në Dhomat Speciale të Gjykatës së Hagës.
Thaçi deklaroi se hedh poshtë çdo akuzë të ngritur ndaj tij për krime lufte. Ndërkohë, David Hooper, avokat i Thaçi në seancën e Gjykatës Speciale në Hagë, ka deklaruar se gjykata nuk po i përmbahet arsyes për të cilën u krijua.
Avokati i ish-Presidentit të Kosovës, tha se në akt-akuzë nuk ka asnjë pretendim për “trafikun e organeve” apo për “Shtëpinë e Verdhë”, duke theksuar se kjo është Gjykatë është ngritur për të hetuar dhe këtë akuzë.
Po ashtu, Hooper theksoi se do të kërkojë që ish-Presidenti të lirohet përkohësisht dhe se ai nuk përbën rrezik për t’u arratisur. Sipas tij, Hashim Thaçi s’ka penguar ngritjen e Gjykatës Speciale dhe është treguar bashkëpunues me organet e drejtësisë.
“I kundërshton të gjithë narrativën e paraqitur nga prokuroria, që në qershor prokuroria ka deklaruar se ju ka dorëzuar një aktakuzë, edhe pse ishte e pazakontë, por ata e bënë njoftimin, e kemi aktakuzën, por është tejet i redaktuar dhe nuk është shumë informues, aq sa do të ishte nëse do të ishte hequr aktzakuza. Përkthimi është i gabuar. Ku janë aktakuzat për vjedhjen e organeve dhe historia e shtëpisë së verdhë, se këto ishin shumë të rëndësishme lidhur me lindjen e kësaj gjykate. Përsëri është gabim. Duke ndjekur siç e dimë atë gjysmë faqe dramatike, dhe në këto pretendime jo vetëm që është një njollë për Kosovën, por ky pretendim krijoi këtë gjykatë të Kosovës, unë e them Gjykatë të Kosovës, por këtu nuk ka asnjë emblemë, ndoshta mund t’i kushtohet një vëmendje kësaj, mund të kishte një shqiponjë të zezë me të kuqe, ndoshta veshjet e Kosovës, këto pretendime Thaçi i dinte që ishin gjepura dhe duke e ditur këtë ndihmoi Komisionin Europian në ngritjen e kësaj gjykate. Ai mund të mos kishte qenë shumë bashkëpunues, por nuk mund të jesh më bashkëpunues se të krijosh këtë gjykatë. Në vend të kësaj ne kemi një përmbledhje incidentesh te veprave penale dhe të ngjarjeve që janë gjykuar në Tribunalin për ish- Jugosllavinë dhe të gjitha së bashku kanë vendosur në këto akuza një strukturë të komandës. Këto pretendime do të vërtetohen që janë false. U çuditëm që ju urdhëruat arrestimin dhe kjo mund të bëhej me një fletë thirrje, ne nuk kemi këto parashtrime dhe sot pasdite do të kërkoj lirimin e tij të përkohhshëm, por mbasi kam menduar më gjatë ne mendojmë që nuk është e përshtatshme pa e ditur se cfarë pretendon Prokuoria se është rreziku i arratisje, ai është këtu, ju pretenduat se ai është në rrezik arratisje. Nuk e di cilat janë pretendimet që mbështesin konkluzionin se ka pasur ndërhyrje, duam të dimë cilat janë teknikalitet e kësaj kërkese. në duam të marrim element specifik të informacionit, përveç materialit që ka paraqitur prokuroria pas 26 gushtit. Po kështu do të kërkoj që kërkesa për lirim të përkohshshëm të bëhet në javët e ardhshme, pasi të kemi këto informacione. Thaci një person që i ka shëbyer vendit të tij në luftë dhe paqe dhe nuk i meriton këto pretendime”, -tha avokati.
10 akuza për krime lufte janë: Përndjekje, burgosje, akte të tjera çnjerëzore, torturë, vrasje dhe zhdukje, ndalim arbitrar, trajtim mizor, torturë dhe vrasje të paligjshme.
Sipas Prokurorisë Speciale këto vepra janë kryer në vende si: Llapashticë, Podujevë, Drenac, Malet e Berishës, Ferizaj, Gjilan, vende të tjera në Kaçanik, Malishevë, Novobërdë, Prizren, Suharekë, Jabllanicë, në vende të tjera të Kosovës dhe Shqipërinë Veriore./ Opinion.al
