Edhe pse i thirrur nga Gjykata Speciale si I akuzuar për krime lufte, Presidenti i Kosovës Hashim Thaçi, është shprehur se puna e këtyre institucioneve speciale, të vijojë deri kur Këshilli i Bashkimit Europian të vendosë për mbylljen e tyre.
“Drejtësinë t’ja lëmë drejtësisë. Politika të mos hyjë në drejtësi dhe as drejtësia të mos hyjë në politikë. Mandati i dhomave dhe zyrës së prokurorit do të zgjasë deri kur përfundimi të bëhet nga Këshilli i BE-së në konsultim me qeverinë e Republikës së Kosovës. Kam bindjen se deputetët do të mbështesin këtë kërkesë të arsyheshme. Mbështetja e drejtësisë e nderon kuvendin dhe rrit përgjegjësinë e shtetit të Kosovës”, tha Thaçi.
Ndërkohë vetëm pak ditë përpara takimit që pritet të mbahet në Shtëpinë e Bardhë, Thaçi edhe një herë ka artikuluar heshtjen e ndërkombëtarëve përballë gjenocidit Serb në Kosovë.
“Heshtja e ndërkombëtarëve si aprovim i gjenocidit të shtetit të Serbisë kundër qytetarëve të Kosovës. Viktima po përballet me dëshmitë e rrejshme të agresorit. Fakte dhe viktima të njohura botërisht përbuzohen nga arbitri në emër të një balance krejt të rrejshme. E dimë se sa shumë dhe sa pak drejtësisht për këto dy dekada me radhë akuzat, shpifjet dhe fabrikimet kundër luftës dhe UÇK janë kthyer në çështje gjyqësore që pas vitesh tortutruese kanë rezultuar siç kanë qenë, baltë mbi luftën tonë”, u shpreh Presidenti./Opinion.al
