Emisioni ‘Opinion’ ka nisur transmetimin live në vitin e tij të 22-të.
Këtë të enjte ‘Opinion’ ka nisur sezonin e ri me dy të ftuar të cilët kanë qenë në qendër të vëmendjes nga ana mediatike për shkak të ngjarjeve të fundit.
Në nisje të këtij sezoni, në rubrikën ‘Si u veshën’, do të komentohen shkurtimisht për paraqitjen e tyre; Presidenti i Kosovës Hashim Thaçi, gazetarja e kronikës Klodiana Lala dhe drejtuesi i emisionit Blendi Fevziu.
I ftuari i parë ishte Presidenti i Kosovës Hashim Thaçi i cili foli në emisionin ‘Opinion’ për çështjen e kufijve të Kosovës dhe marrëveshjet me Serbinë. Por ajo që tërhoqi menjëherë vëmendje në pamjen e tij ishte kombinimi i kostumit serioz me atlete. Deri më sot, gjatë, për këtë është komentuar kryeministri i Shqipërisë Edi Rama, por ai tashmë nuk është i vetmi i cili në daljet publike vishet me atlete dhe kostum.
Thaçi në ‘Opinion’ ka ardhur me kostum në ngjyrë të errët, kollare në vishnje dhe atlete të zeza. Këtë ja vuri në dukje edhe Fevziu, kur i tha se po ‘kopjon Ramën’, përgjigja e Thaçit ishte e menjëhershme duke thënë se shkak për këtë ishte rruga e gjatë dhe komforti.
Gazetarja Klodiana Lala edhe këtë herë në emision ka ardhur brenda stilit të saj; me kostum, xhaketë dhe pantallona në ngjyrë gri, kombinuar me këmishë në ngjyrat jeshile me të bardhë dhe këpucë klasike.
Drejtuesi i emisionit Blendi Fevziu ishte kujdesur që në këtë fillim sezoni të vinte me energji dhe ngjyra. Kostumit të zi dhe këmishës së bardhë ai i ka shtuar edhe kollare në ngjyrë të ndezur pink me disa detaje të bardha. Kombinim që i jepte prezencë përball të ftuarve dhe dukej tepër interesant për një start.
Në facebook mund të jepni edhe ju komentet tuaja për veshjet e të ftuarve./ Gerta Zaimaj-opinion.al
