Opinion.al
Nuk ka rezultat
View All Result
KONTAKT
  • Hyrja
  • Kryesore
  • Aktualitet
    • Politikë
    • Kronikë
    • Sociale
  • Unë shkruaj
  • Komente
  • Bota
  • Sport
  • InstaBIZ
  • OPINION WEB TV
    • Emisionet
    • U tha në Opinion
    • Si u Veshën
  • Life Style
    • Shëndeti
    • Jetë dhe Stil
    • Teknologji
    • Kulturë
Opinion.al
Nuk ka rezultat
View All Result

Thaçi dhe Krasniqi dalin sot para Gjykatës Speciale në Hagë

2020/11/09 at 8:31 AM
në Rajoni, Te Fundit
Kohë leximi: 3 min
A A
Thaçi dhe Krasniqi dalin sot para Gjykatës Speciale në Hagë

Ish-presidenti i Kosovës, Hashim Thaçi, dhe ish-kryetari i Kuvendit të Kosovës, Jakup Krasniqi, do ta kenë sot paraqitjen e parë në Dhomat e Specializuara në Hagë, të njohura edhe si Gjykata Speciale.


Krasniqi, i cili ka qenë edhe zëdhënës i Ushtrisë Çlirimtare të Kosovës, do të paraqitet në orën 11:00, ndërsa Thaçi, ish-komandant i UÇK-së, do të paraqitet në orën 15:00.

Para Dhomave të Specializuara, më 10 nëntor do të paraqitet edhe ish-kreu i Partisë Demokratike të Kosovës, Kadri Veseli, ndërsa, më 11 nëntor, deputeti i Kuvendit të Kosovës, Rexhep Selimi.

Thaçi, Krasniqi, Veseli dhe Selimi, të gjithë ish-eprorë të UÇK-së, janë arrestuar javën e kaluar në Prishtinë, pas konfirmimit të një aktakuze kundër tyre për krime lufte dhe krime kundër njerëzimit.

Menjëherë pas arrestimit, ata janë transferuar në qendrën e paraburgimit të Dhomave të Specializuara në Hagë.

Pas konfirmimit të aktakuzës, Thaçi po ashtu ka dhënë dorëheqje nga posti i presidentit të Kosovës.

Gjatë paraqitjes së parë, gjykatësi i procedurës paraprake siguron se respektohen të drejtat e të akuzuarit, ndër të cilat: e drejta për përfaqësim ligjor dhe që i akuzuari t’i kuptojë akuzat kundër tij.

Të akuzuarit po ashtu i jepet mundësia të deklarohet nëse është fajtor ose i pafajshëm për çdo akuzë, ose këtë mund ta bëjë edhe brenda tridhjetë ditësh nga paraqitja e parë para Dhomave të Specializuara.

Pas shqyrtimit fillestar dhe sapo të jetë zgjidhur çdo parashtresë paraprake, kryetari i Dhomave e formon trupin gjykues që do të jetë përgjegjës për zhvillimin e procedurës së shqyrtimit gjyqësor.

Veprat që, sipas aktakuzës, rëndojnë ndaj Thaçit, Veselit, Selimit dhe Krasniqit, kanë të bëjnë me krime lufte: ndalim të paligjshëm ose arbitrar, trajtim mizor, torturë dhe vrasje të paligjshme dhe me krime kundër njerëzimit: burgosje.

Më pastaj përmenden edhe akte tjera çnjerëzore, si: torturë, vrasje të paligjshme, zhdukje me forcë e personave dhe përndjekje, të cilat, sipas Dhomave të Specializuara, janë kryer midis marsit 1998 dhe shtatorit të vitit 1999.

Sipas aktakuzës, krimet dyshohet se janë kryer në disa vende të Kosovës, por edhe në disa pjesë në veri të Republikës së Shqipërisë, si në Kukës dhe Cahan.

Dhomat e Specializuara e kanë konfirmuar aktakuzën më 26 tetor, por ajo është bërë publike më 5 nëntor.

I akuzuari i parë i Gjykatës Speciale ka qenë ish-eprori i Ushtrisë Çlirimtare të Kosovës, Salih Mustafa.

Ai tashmë ka deklaruar se ndjehet i pafajshëm për akuzat për krime lufte, të ngritura nga Dhomat e Specializuara në Hagë.

Në paraburgim, si të dyshuar nga Gjykata Speciale ndodhen edhe dy udhëheqës të organizatës së veteranëve të UÇK-së: Hysni Gucati dhe Nasim Haradinaj.

Ata dyshohen për pengim të drejtësisë, frikësim të dëshmitareve dhe vepra të tjera që kanë të bëjnë me bërjen publike të disa dokumenteve sekrete të Gjykatës.

Dhomat e Specializuara dhe Zyra e Prokurorit të Specializuar – që ndryshe njihen edhe si Gjykata Speciale – hetojnë krimet e pretenduara të pjesëtarëve të ish-Ushtrisë Çlirimtare të Kosovës, të kryera kundër pakicave etnike dhe rivalëve politikë që nga janari i vitit 1998 e deri në dhjetor të vitit 2000.

Këto krime të pretenduara përmenden në një raport të Këshillit të Evropës, të vitit 2011, autor i të cilit është senatori zviceran, Dick Marty.



Ju sugjerojmë

Drejtori i Departamentit të Drejtësisë së SHBA takim me Dumanin, Prodën dhe Hoxhën
Aktualitet

Drejtori i Departamentit të Drejtësisë së SHBA takim me Dumanin, Prodën dhe Hoxhën

23 Maj, 2025 8:13 pm
Zgjedhjet/ Nesër pritet miratimi i rezultateve për Tiranën, Elbasanin dhe Durrësin
Aktualitet

Zgjedhjet/ Nesër pritet miratimi i rezultateve për Tiranën, Elbasanin dhe Durrësin

23 Maj, 2025 7:56 pm
Sulm me thikë në stacionin e trenit në Hamburg të Gjermanisë, plagosen disa persona
Bota

Sulm me thikë në stacionin e trenit në Hamburg të Gjermanisë, plagosen disa persona

23 Maj, 2025 7:47 pm
Të paktën 60 të vrarë nga sulmet izraelite në Gazë
Bota

Të paktën 60 të vrarë nga sulmet izraelite në Gazë

23 Maj, 2025 7:31 pm
Gjykata i jep të drejtë Harvard, pezullon vendimin e administratës Trump
Bota

Gjykata i jep të drejtë Harvard, pezullon vendimin e administratës Trump

23 Maj, 2025 7:29 pm
Seanca plenare, Bardhi pas mbledhjes: Sot në Kuvend do shkojnë vetëm deputetët e papërjashtuar! Ja përgjigja për paralajmërimin e Policisë…
Aktualitet

Bardhi: Ku shkuan 50 mln euro të shqiptarëve? SPAK të hetojë aferën e…

23 Maj, 2025 7:23 pm
Apolonia përball Egnatias, nesër luhet finalja e Kupës së Shqipërisë për vajza
Sport

Apolonia përball Egnatias, nesër luhet finalja e Kupës së Shqipërisë për vajza

23 Maj, 2025 7:10 pm
Kush do ta zbatojë vendimin për Dodikun?
Bota

Pas shpalljes non grata nga SHBA, Franca e Gjermania vendosin sanksione ndaj Dodik

23 Maj, 2025 6:58 pm
Elisa Spiropali në Janinë, takim  me homologun e saj Nikitas Kaklamanis
Politikë

Elisa Spiropali në Janinë, takim me homologun e saj Nikitas Kaklamanis

23 Maj, 2025 6:42 pm
Ukraina dhe Rusia shkëmbejnë rreth 800 të burgosur
Bota

Ukraina dhe Rusia shkëmbejnë rreth 800 të burgosur

23 Maj, 2025 6:19 pm
Para
Mbledhje online për Shengenin Ballkanik, marrëveshje për luftën ndaj Covid

Mbledhje online për Shengenin Ballkanik, marrëveshje për luftën ndaj Covid

Joe Biden shpresë për BE-në

Joe Biden shpresë për BE-në

Një sulm i ISIS lë 11 të vdekur në Bagdad

Një sulm i ISIS lë 11 të vdekur në Bagdad
















TE FUNDIT

Drejtori i Departamentit të Drejtësisë së SHBA takim me Dumanin, Prodën dhe Hoxhën

Drejtori i Departamentit të Drejtësisë së SHBA takim me Dumanin, Prodën dhe Hoxhën
23 Maj, 2025

Ambasada e ShBA në Tiranë mirëpriti Ndihmës Drejtorin e ICITAP të Departamentit të Drejtësisë të ShBA, Stephen Fields, nga 19...

Lexo më shumë

Zgjedhjet/ Nesër pritet miratimi i rezultateve për Tiranën, Elbasanin dhe Durrësin

Zgjedhjet/ Nesër pritet miratimi i rezultateve për Tiranën, Elbasanin dhe Durrësin
23 Maj, 2025

Në seancën e sotme publike, Komisioneri Shtetëror i Zgjedhjeve, Ilirjan Celibashi, miratoi tabelat përmbledhëse të rezultateve për subjektet zgjedhore dhe...

Lexo më shumë

Sulm me thikë në stacionin e trenit në Hamburg të Gjermanisë, plagosen disa persona

Sulm me thikë në stacionin e trenit në Hamburg të Gjermanisë, plagosen disa persona
23 Maj, 2025

Një sulm me thikë ka ndodhur ditën e sotme në Stacionin Qendror të Hamburgut. Sipas informacioneve të mediave gjermane, mësohet...

Lexo më shumë

Të paktën 60 të vrarë nga sulmet izraelite në Gazë

Të paktën 60 të vrarë nga sulmet izraelite në Gazë
23 Maj, 2025

Të paktën 60 njerëz janë vrarë nga sulmet izraelite në Rripin e Gazës në 24 orët e fundit, njoftoi të...

Lexo më shumë
Opinion.al

Kategoritë

Kryesore

Aktualitet

Unë Shkruaj

Komente

Bota 

Sport 

Instabiz

Opinion Web Tv

Lifestyle

Galeri

Rreth Nesh

ON AIR: E hene – E marte – E merkure – 22:15 E ejnte – 21:00

OPINION nga Blendi Fevziu. Emisioni politik me i ndjekur dhe me i preferuar ne ekranet shqiptare.
“Opinion” vjen ne kater takime cdo jave – e hene, e marte, e merkure dhe takimi tradicional i te ejntes mbrema.
Cdo jave ne studion e Tv Klan, komente, analiza, debate, komente, intervista, personazhe, deshmi dhe fakte konkrete. Ngjarjet me te fundit dhe me te rendesishme ne jeten politike dhe sociale te vendit, me debatet, opinionet dhe analizat e te ftuarve ne studio.
Salloni i politikes dhe aktualitetit hap dyert 4 mbremje ne jave, per te degjuar opinionet e politikaneve dhe analisteve. Padron i shtepise, gazetari dhe analisti Blendi Fevziu.

Të gjitha të drejtat e rezervuara Opinion ©2025
Dev By Techzero1.com

Nuk ka rezultat
View All Result
  • Hyrja
  • Kryesore
  • Aktualitet
    • Politikë
    • Kronikë
    • Sociale
  • Unë shkruaj
  • Komente
  • Bota
  • Sport
  • InstaBIZ
  • OPINION WEB TV
    • Emisionet
    • U tha në Opinion
    • Si u Veshën
  • Life Style
    • Shëndeti
    • Jetë dhe Stil
    • Teknologji
    • Kulturë

Të gjitha të drejtat e rezervuara Opinion ©2025
Dev By Techzero1.com