Presidenti i Kosovës, Hashim Thaçi ka dekretuar shpërndarjen e Parlamentit.
“Sot e dekretova shpërndarjen e Legjislaturës sё VI-tё tё Kuvendit tё Republikës sё Kosovës”, njofton Thaçi, teksa publikon edhe dekretin.
Por pavarësisht shpërndarjes së Parlamentit, Thaçi ende nuk ka dekretuar datën për zgjedhjet e parakohshme parlamentare, për të cilat thotë se do të konsultohet me partitë politike.
“Pas konsultimeve me partitë politike, nё përputhje me kompetencat e mia kushtetuese, do tё vendos sё shpejti për datën e zgjedhjeve tё përgjithshme tё parakohshme. Ky ёshtё edhe njё test shtesë për forcimin e demokracisë nё Kosovës, tё cilin institucionet, subjektet politike dhe qytetarёt do ta kalojnë me shumë sukses”, shkruan Thaçi.
Kujtojmë se Parlamenti në Kosovë u shpërnda pas vendimit të Ramush Haradinajt për të dhënë dorëheqjen nga posti i kryeministrit, si rezultat i marrjes në pyetje nga Gjykata Speciale në Hagë./Opinion.al
