Twitter ka pezulluar llogarinë e ish këshilltarit kryesor të Donald Trump, Steve Bannon pasi ai bëri thirrje për prerjen e kokës së Dr Anthony Fauci dhe drejtorit të FBI, Christopher Wray dhe vendosjen e kokave të tyre jashtë Shtëpisë së Bardhë si një “paralajmërim”.
Duke folur në emisionin e tij, “War Room”, i cili u shpërnda në formë video në disa media sociale, Banon nxiti dhunë kundër Wrayt dhe ekspertit më të vjetër të sëmundjeve infektive të SHBA
“Mandati i dytë fillon duke pushuar Wrayn, duke pushuar Faucin … jo unë në të vërtetë dua të shkoj një hap më larg, por presidenti është një njeri me zemër të mirë dhe një njeri i mirë,” tha Bannon.
“Në të vërtetë do të doja të kthehesha në kohërat e vjetra të Tudorëve të Anglisë. Unë do të vendosja kokat e tyre në shtizë dhe do t’i vendosja në dy cepat e Shtëpisë së Bardhë si një paralajmërim për burokratët federalë, ose merruni me programin ose jeni të zhdukur. ”
Twitter ndaloi llogarinë e emisionit të Bannon përgjithmonë, duke thënë se ajo kishte pezulluar llogarinë për shkelje të politikës së saj për glorifikimin e dhunës.
E njëjta video ishte në Facebook për rreth 10 orë para se të hiqej gjithashtu.
Ka pasur shqetësime në rritje për rrezikun e dhunës pas zgjedhjeve të kësaj jave në SHBA, mes retorikës shumë tensionuese nga Trump dhe aleatët e tij, të cilët kanë thënë, pa paraqitur prova, se Demokratët po përpiqen të “vjedhin zgjedhjet”. /Opinion.al
