Është mbyllur me dy barazime java e shtatë e Superiores që kënaqin ekipet në transfertë, Egnatia dhe Kastrioti, dhe lejnë një shije të hidhur tek Teuta dhe Partizani që luanin në shtëpi.
Në ”Air Albania”, Partizani tregon edhe një herë se në këtë sezon nuk di të fitojë. “Demat” morën barazimin e pestë në sezon, 1-1 kundër një ekip ambicioz por gjithsesi debutues në Superiore si Egnatia.
Miqtë madje kaluan në avantazh falë një gabimi trashanik i portierit Alban Hoxha pas goditjes të brazilianit Xhekson.
Kryeqytetasit u munduan të barazonin por ia arritën qëllimit vetëm sekondave të fundit e pjesës së parë me anë të Carës. Presioni i Partizanit mbeti edhe në 45 minutat e dyta, por si për ironi ishin rrogozhinasit që iu afruan më shumë golit me traversën e goditur nga Allmuça. Me barazimin e sotëm Partizani renditet në vendin e tetë, pa i treti nga fundi.
Ndërkohë, në Loro Borici, durrsakët e Teutës nuk arritën të kapnin vendin e dytë në renditje, duke barazuar edhe ato 1-1 me Kastriotin. Golat erdhën në pjesën e dytë me Grudën për bregdetarët, të cilit iu përgjigj Mudrazija në minutën 80, ndërkohë që krutanët patën edhe raste të tjera për të kaluar në avantazh.
