Protesta e sotme qytetare që kërkon nga qeveria ndërhyrje në situatën e çmimeve të rritura, është zhvilluar e qetë, me marshimin përgjatë bulevardit dhe njëkohësisht fjalime të pjesëmarrësve. Ashtu sikurse njoftuan protestuesit do të qëndrojnë gjatë gjithë natës në një cikël 24 orësh.
Ato që kanë spikatur kanë qenë edhe pankaratët që qytetarët kanë mbajtur në duar, ku kryesisht ironizonin qeverinë dhe deklaratat e disa prej ministreve gjatë këtyre ditëve.
“T’i lutemi Zeusit për shi”, “Me 5 thasë miell nuk quhesh i varfër”, “Teta 140 euro mua më bëjnë vetëm pampersat”, “Sex is cool, but have you ever fucked the sistem”, kanë qenë disa nga pankartat që kanë spikatur ditën e sotme. Gjithashtu në protestën e sotme është parë edhe një flamur i madh i Ukrainës./Opinion.al
