Shqipëria vijon të mos preket nga koronavirusi. Lajmi është konfirmuar nga ministria e Shëndetësisë ditën e sotme.
Në një deklaratë publike, drejtuesja e Shërbimit të Inteligjencës Epidemiologjike, pjesë e Task-Forcës së Ministrisë së Shëndetësisë, Eugena Tomini, tha se gjatë ditës së djeshme janë testuar tre raste të dyshuara, të cilët kanë rezultuar negativë.
Tomini ka rekomanduar për personat që kanë udhëtuar nga zonat e prekura të vetëkarantinohen.
“3 raste kanë rezultuar negativ. Janë testuar 29 raste të cilat kanë rezultuar negativë. Po kryhet monitorimi për të gjithë ata që hyjnë në Shqipëri. Ata që kanë ardhur nga rajonet e prekura të vetëkarantnohen për 14 ditë. Qytetarët që kanë udhëtuar në vendet e preukura të telefojnë në numrin 127, për të treguar nëse kanë shenja të koronavirusit apo nëse kanë pasur kontakte me persona të prekur”-tha ndër të tjera Tomini./ Opinion.al
