Koronavirusi vijon të shpërndahet me shpejtësi në Europë, ndërsa ditën e sotme u konfirmuan dhe shtete të tjera të cilat kanë pacient të infektuar.
Ndërkohë, deri më tani në Shqipëri nuk ka asnjë person të prekur nga virusi vdekjeprurës. Ministria e shëndetësisë shprehet se ka përfunduar dhe testimi i pesë rasteve të reja që dyshoheshin për koronavirus.
Rezultatet kanë rezultuar negative. Bëhet me dije se personat që iu shtruan këtij testi kishin udhëtuar më herët jashtë Shqipërisë. Deri në këto momente janë testuar 23 raste për koronavirusin, ndërsa në pikat kufitare është dyfishuar stafi mjekësor i cili bën kontrollin e parë të udhëtarëve. Opinion.al
