Aktualitet

Testim dhe karantinë, MEPJ: Rregulla të reja për të udhëtuar drejt Gjermanisë


Bëhu pjesë e Grupit Zyrtar të Opinion.al
>> KËTU <<
               Publikuar në : 17:12 - 14/01/22 |
Opi Nion

Ministria për Europën dhe Punët e Jashtme ka informuar qytetarët shqiptarë që duan të udhëtojnë drejt Gjermanisë për rregullat e reja anti-Covid që do të hyjë në fuqi më 16 janar.

Përmes një njoftimi në rrjetet sociale, ministria bën të ditur se shqiptarët që udhëtojnë drejt Gjermanisë më para do të duhet të regjistrohen në faqen e internetit: www.einreiseanmeldung.de

Gjatë regjistrimit duhet të deklaroni dëshminë se jeni shëruar nga Covid-19 ose jeni vaksinuar.

Sipas ministrisë, nëse nuk paraqisni asnjërën nga këto dy dëshmi, do t’ju duhet një test i Covid-19 për të hyrë në Gjermani.

Ndërsa theksohet edhe fakti se pas mbërritjes në Gjermani duhet të karantinoheni për dhjetë ditë, nëse pas pesë ditësh, përsërisni testin dhe rezultati i testit është negativ, mund t’i jepni fund karantinës.

Ministria për Evropën dhe Punët e Jashtme njofton se duke filluar nga data 16 janar 2022, shqiptarët që udhëtojnë drejt Gjermanisë do të duhet që para udhëtimit të regjistrohen në faqen e internetit www.einreiseanmeldung.de 

Gjatë regjistrimit, duhet të ngarkoni një dëshmi shërimi nga Covid19 ose që jeni plotësisht të vaksinuar.

Nëse nuk mund të paraqisni asnjërën nga këto dy dëshmi, do t’ju duhet një test i Covid19 për të hyrë në Gjermani.

Pas mbërritjes do ju duhet të karantinoheni për dhjetë ditë. Pas pesë ditësh, ju mund të testoheni përsëri dhe nëse rezultati i testit është negativ, mund t’i jepni fund karantinës”-njofton ministria./Opinion.al

Pas