Rajoni

Test negativ për të huajt që hyjnë në vend, Kosova forcon masat anti Covid


Bëhu pjesë e Grupit Zyrtar të Opinion.al
>> KËTU <<
               Publikuar në : 22:14 - 01/11/20 |
Opi Nion

Qeveria e Kosovës, ka shtrënguar sërish masat për të parandaluar përhapjen e Covid 19. Së fundi është vendosur që të gjithë qytetarët që hyjnë në Kosovë nga vende me rrezik të lartë të paraqesin testimin me rezultat negativ në pikat kufitare.

“Me qëllim të menaxhimit dhe kontrollit të infeksionit me COVID-19 në territorin e Republikës së Kosovës, në kuadër të masave të veçanta, Qeveria ka vendosur që të gjithë qytetarët e huaj të cilët hyjnë në Republikën e Kosovës (RKS), e që vijnë nga vendet me risk të lartë sipas listës zyrtare të ECDC-së, duhet të dëshmojnë nëpërmjet testit RT-PCR në Sars COV-2 që janë me rezultat negativ me COVID-19, në bazë të parimit të reciprocitetit”, njoftoi Ministria e Shëndetësisë.

Gjithashtu si një kategori e rrezikuar më shumë, personave mbi moshën 65 vjeçare u lejohet dalja jashtë shtëpisë gjatë orarit 6:00- 10:00 dhe 16:00-19:00. Jashtë këtij orari kanë të drejtë të dalin vetëm për nevoja shëndetësore.

Dy ditë më parë, Kosova vendosi mbylljen në orën 21:00 të bareve dhe restoranteve./Opinion.al

Pas